Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliaq pillugit Inatsisartut inatsisaata allanngortinneqarneranik Inatsisartut inatsisissaattut siunnersuut

 

pillugu

 

Inatsisartut Inuussutissarsiornermut Ataatsimiititaliaata

 

ISUMALIUTISSIISSUTAA

 

allannguutissatut siunnersuutip aappassaaneerneqarnissaanut saqqummiunneqartoq

 

Inatsisartut Inuussutissarsiornermut Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Simon Olsen, Siumut, siulittaasoq
Inatsisartuni ilaasortaq Johan Lund Olsen, Inuit Ataqatigiit, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Finn Karlsen, Atassut
Inatsisartuni ilaasortaq Mads Peter Grønvold, Kattusseqatigiit

 

Ataatsimiititaliap sulinera

Inatsisartut Inuussutissarsiornermut Ataatsimiititaliaata UKA 2001/18-ip, Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliaq pillugit Inatsisartut inatsisaata allanngortinneqarneranik Inatsisartut inatsisissaattut siunnersuutip siullermeerneqarnerata kingorna nassuiaatitai ilanngullugit ataatsimiinnerni marlunni oqaluuseraa.

 

Inassuteqaatit naalakkersuinikkullu oqaaseqarfiginninnerit

Ataatsimiititaliap immikkut iluarisimaarlugu maluginiarpaa nunaqarfinni aqutsisut atuisartunut pisisartunullu ataatsimiititaliat sulinerannut peqataatitaanissamut periarfissinneqarmata.

 

Tamatuma kingorna ataatsimiititaliap isumaqatigiittup inassutigissavaa Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliaq pillugit Inatsisartut inatsisaata allanngortinneqarneranik Inatsisartut inatsisissaattut siunnersuut allannguutitaqartinneqarani akuersissutigineqassasoq.

 

Inatsisartut Inuussutissarsiornermut Ataatsimiititaliaata taamatut oqaaseqarluni Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliaq pillugit Inatsisartut inatsisaata allanngortinneqarneranik Inatsisartut inatsisissaattut siunnersuut aappassaaniigassanngortippaa.

 

 

Simon Olsen,
siulittaasoq

 

Johan Lund Olsen                        Per Rosing-Petersen

 

  Finn Karlsen                                  Mads Peter Grønvold